Өлкетану әрдайым кітапханалар жұмысындағы басым бағыттардың бірі болып келген. Өлкенің өткені мен бүгіні, алдыңғы ұрпақтардың тәжірибесі, олардың салт – дәстүрлері, тұрмысы, әдет-ғұрыптары, жер бедерінің табиғи ерекшелігі және т.б. - осының бәрі көптеген кітапханалық іс-шаралардың тақырыбына айналады. Өйткені, бұл кітапханалар пайдаланушыларға өз өлкесін жақсырақ білуге, әр адамның азаматтық сезімін және «Кіші Отан» алдындағы борышын дамытуға, оның рухани әлеуетін жандандыруға көмектесетін мекемелер. Сондықтан кітапханалардың бір бағыты ретінде өлкетануға көп көңіл бөлінді.