Ән ғұмыр

6 ақпан күні «Южный» қалалық кітапханасында «Ән ғұмыр» атты халық әртісі А. Қоразбаевтың 70 жасқа толуына орай музыкалық кеш болып өтті. Кеште оқушылар әуелеп салынған әншінің өнерге деген сүйспеншілігін көріп, тыңдады. Қазақ музыкасын әлемге танытып, елге қуаныш сыйлаған әнші туралы деректер алды. Әншінің өмір иірімдері мен шығармашылық жолындағы белестерін бейнефильмдер арқылы көріп, композитордың өзінің бейнежазбасы мен бірнеше әндерін тыңдады. Халыққа танымал әндерінің тарихын тыңдап, шәкірттерінің жетістіктерін көрді. Композитор тек қазақтың емес, қырғыз халқының әртісі. Кітапханашы Н. Ақыштың «Алтынбек Қоразбаев. Балалық шағы» атты кітабын оқуға шақырды. А.Қоразбаев халық өнерін саф алтындай қалпында сақтап, оны тереңінен тарта білген дарын иесі.