«Наурыз – жыл басы»

15 наурыз күні «Южный» ҚБ кітапханасында «Наурыз – жыл басы» атты 22-наурыз мейрамына арналған фольклорлық кеш болып өтті. Мақсаты: ұлттық салт – дәстүрлер мен әдет – ғұрыптардың тарихи шежірелер мәдениетінің ұлттық танымдық, тұрмыс- әлеуметтік, қасиетті, киелі, асыл мұраларының қазынасын жас ұрпақтың сана сезіміне сіңіріп, насихаттау. Рухани-мәдени мұраларын қастерлеуге үйрету. Мерекені педагогикалық колледж студенттері Кубегенова Гүлназ бен Жантасов Ораз жүргізді. Кеш барысында көрермендер қазақтың ұмытылып бара жатқан салт-дәстүрлері «Көрісу», «Амандасу», «Құдалық» атты бейнебаяндарын көріп тамашалады. Ит жылына байланысты нақыл сөздер мен ырым-тыйымдарды еске түсірді. № 20 орта мектептің оқушылары Амангелді С. «Балбырауын», «Әлқисса» күйлерін тарту етіп, Жургенова М., Сыздық К. наурыз жырынан шашу шашты. Абдуллина Амина «Мен қазақпын» әнін шырқады. Кітапханашы Г.Катова наурыз тілек айтып, кеш ұйымдастырушылары іс-шара соңында мерекеге қатысушыларға, сыйлықтар берді. Кеш барысында көрермендер ұлағатты тәлім-тәрбие мен үлгі өнегесі мол тағлымды жайттардың куәсі болды. Халықтың фольклорлық тарихы жарық көрген әдебиеттер топтамасынан дайындалған «Халқын сүйген салтын сүйер» атты көрмені тамашалап, суретке түсті.