«Өткенге құрмет – бүгінге өнеге»

«Южный» қалалық кітапханасында «Өткенге құрмет – бүгінге өнеге» атты әдеби сағат өтті. Іс-шараға № 20 орта мектеп 9 «Ә» оқушылар қатысты. «Бір ел – бір кітап» республикалық акциясы бойынша – Шәкәрім Құдайбердіұлының, Немат Келімбетовтың «Үміт үзгім келмейді» хикаят-монологы және Бауыржан Момышұлының «Ұшқан ұя» шығармаларына арналған әдеби сағат өтті. Кітапханашы жазушылардын өмірі, шығармалары туралы жалпы мәлімет берді. Кеш барысында Шәкәрім өлеңдерің оқушылар оқыды. Шәкәрім Құдайбердіұлының «Құмарлық» атты өлеңі үнтаспадан тыңдалды. Тақырып бойынша слайдтар көрсетілді. «Тілдарын» облыстық тілдерді оқыту орталығының оқытушысы Қостанай Мемлекеттік Университетінің қазақ филологиясының 1-курс магистрі Жұматай Бағжан Әуезханқызы Бауыржан Момышұлының «Ұшқан ұя» кітап туралы әңгімеледі. І. Омаров атындағы қазақ драм театрының актёры Иманов Кабдул-Мажит Немат Келімбетовтың «Үміт үзгім келмейді» хикаят-монологынан үзінді оқыды. «Бір ел – бір кітап» республикалық акциясы бойынша өткен әдеби сағат оқушылардын көңілінен шықты.