«Өмір сүр және есте сақта»

№ 20 орта мектебінің М. Хәкімжанова атындағы 4 «Ә» сыныбы оқушыларымен еске алу кеші өтті. Іс-шара Кеңес Одағының Батыры – А. Молдағұлова, Р. Қошқарбаетың 95 жылдығына орай ұйымдастырылды. «Собеседник» клуб мүшесі Турпак Мария Алексейқызы қонаққа шақырылды, балаларға соғыс кезінде басынан өткен ауыр қиыншылықтары туралы айтты. Арзамасова Ольга Алексейқызы Ұлы жеңіске арналған әндер орындады. Жүргізуші майдандағы батырлардың ерен ерліктері туралы мәліметтермен таныстыра отырып, батырлардың өмірін үлгі етті, жанқиярлық ерліктерін әрқашан ардақтауға, өшпес рухтарына тағзым етуге тәрбие берді. Шара соңында оқушылар кітап көрмемен танысты.